banner
   lau 18. maí 2019 20:16
Ívan Guðjón Baldursson
Guardiola og Silva: Verðum betri á næsta tímabili
Pep Guardiola er búinn að breyta enska boltanum.
Pep Guardiola er búinn að breyta enska boltanum.
Mynd: Getty Images
Josep Guardiola og lærisveinar hans voru himinlifandi eftir 6-0 sigur Manchester City gegn Watford í úrslitaleik enska bikarsins í dag.

„Þetta var ótrúlegur úrslitaleikur sem kórónaði ótrúlegt ár. Ég vil óska öllum innan félagsins til hamingju, sérstaklega leikmönnum því þeir eru ástæðan fyrir því að við unnum þessa titla," sagði Guardiola að leikslokum.

„Markvarslan hans Ederson í stöðunni 0-0 var afar mikilvægt. Það hefði flækt hlutina mikið fyrir okkur að lenda undir."

Hann bætti því svo við að Man City þyrfti að mæta enn sterkara til leiks á næsta tímabili og tók Bernardo Silva undir með honum.

„Við verðum að bæta okkur, það er alltaf hægt að bæta sig. Það er ekkert vit í því að vera í kyrrstöðu," hélt Guardiola áfram. Þá var komið að Silva.

„Það skiptir ekki máli hvort við vinnum 1-0 eða 5-0, við getum alltaf bætt okkur. Við munum bæta okkur enn frekar á næsta tímabili og reyna að vinna fleiri titla."
Athugasemdir
banner
banner
banner