18.07.16 - 15:16
Magnús Már Einarsson
Berglind Björg í Breiðablik (Staðfest)


Mynd: Breiðablik


Mynd: Breiðablik

Breiðablik hefur fengið góðan liðsstyrk fyrir síðari hluta sumars í Pepsi-deild kvenna en sóknarmaðurinn Berglind Björg Þorvaldsdóttir er komin til félagsins frá Fylki.
Berglind fór frá Breiðabliki í Fylki eftir tímabilið 2014 en hún er nú mætt aftur á gamalkunnar slóðir.
Berglind, sem á 15 landsleiki að baki, mun nú hjálpa Blikum í baráttunni um Íslandsmeistaratitilinn.
Erfitt gæti orðið fyrir Fylki að fylla skarð Berglindar en hún hefur skorað fjögur af sjö mörkum liðsins í Pepsi-deildinni í sumar.
Berglind fór frá Breiðabliki í Fylki eftir tímabilið 2014 en hún er nú mætt aftur á gamalkunnar slóðir.
Berglind, sem á 15 landsleiki að baki, mun nú hjálpa Blikum í baráttunni um Íslandsmeistaratitilinn.
Erfitt gæti orðið fyrir Fylki að fylla skarð Berglindar en hún hefur skorað fjögur af sjö mörkum liðsins í Pepsi-deildinni í sumar.
Fréttatilkynning frá Berglindi:
Það er okkur sönn ánægja að tilkynna að Fylkir og Breiðablik hafa komist að samkomulagi um félagsskipti Berglindar Bjargar Þorvaldsdóttur í Breiðablik. Berglind skrifaði undir 3 ára samning og mun taka þátt í harðri keppni okkar sem framundan er á öllum vígstöðvum, deild, bikar og Evrópu.
Það þarf ekki að fjölyrða um hversu mikill liðstyrkur er í Berglindi hún hefur spilað 140 leiki í efstu deild frá því að hún spilaði sinn fyrsta leik með okkur Blikum árið 2007 þá aðeins 15 ára gömul og í þeim hefur hún skorað 82 mörk.
Berglind á 15 A landsleiki og fjöldann allan af leikjum með yngri landsliðum. Breiðablik og Fylkir hafa átt gott samstarf í leikmannamálum á síðustu misserum og nokkrar ungar og efnilegir Blikastelpur hafa verið lánaðar til þeirra þar sem þær hafa stigið sín fyrstu skref í meistaraflokki. Það er ljóst að framhald verður á þeirri samvinnu á næstu árum.
Við viljum jafnframt þakka Fylki fyrir fagleg og heiðarleg vinnubrögð í tengslum við félagaskipti Berglindar.
Við bjóðum Berglindi velkomna heim og hlökkum til að sjá hana í græna búningnum að nýju á vellinum sem allra fyrst.
Það er okkur sönn ánægja að tilkynna að Fylkir og Breiðablik hafa komist að samkomulagi um félagsskipti Berglindar Bjargar Þorvaldsdóttur í Breiðablik. Berglind skrifaði undir 3 ára samning og mun taka þátt í harðri keppni okkar sem framundan er á öllum vígstöðvum, deild, bikar og Evrópu.
Það þarf ekki að fjölyrða um hversu mikill liðstyrkur er í Berglindi hún hefur spilað 140 leiki í efstu deild frá því að hún spilaði sinn fyrsta leik með okkur Blikum árið 2007 þá aðeins 15 ára gömul og í þeim hefur hún skorað 82 mörk.
Berglind á 15 A landsleiki og fjöldann allan af leikjum með yngri landsliðum. Breiðablik og Fylkir hafa átt gott samstarf í leikmannamálum á síðustu misserum og nokkrar ungar og efnilegir Blikastelpur hafa verið lánaðar til þeirra þar sem þær hafa stigið sín fyrstu skref í meistaraflokki. Það er ljóst að framhald verður á þeirri samvinnu á næstu árum.
Við viljum jafnframt þakka Fylki fyrir fagleg og heiðarleg vinnubrögð í tengslum við félagaskipti Berglindar.
Við bjóðum Berglindi velkomna heim og hlökkum til að sjá hana í græna búningnum að nýju á vellinum sem allra fyrst.
