Fotbolti.net
18.07.19 - 14:55
Brynjar Ingi Erluson

Kosovare Asllani brýtur blað í sögunni - Semur við Real Madrid (Staðfest)

Kosovare Asllani er fyrsti leikmaðurinn sem kvennalið Real Madrid fær til sín

Kosovare Asllani er fyrsti leikmaðurinn sem kvennalið Real Madrid fær til sín

Canon

Mynd: Getty Images

Sænska landsliðskonan Kosovare Asllani er búin að semja við Real Madrid á Spáni en hún er fyrsti leikmaðurinn sem félagið kaupir fyrir kvennaliðið.
Real Madrid ákvað í síðasta mánuði að setja á laggirnar kvennalið en Florentino Perez, forseti félagsins, ákvað að kaupa CD Tacon sem tryggði sér þátttökurétt í efstu deild fyrir tímabilið.

Félagið mun bera nafn CD Tacon á komandi tímabil áður en það breytir um nafn á næsta ári.

Real Madrid hefur nú staðfest fyrstu kaupin en sænska landsliðskonan Kosovare Asllani er komin frá Linköping í Svíþjóð.

Asllani hefur verið með bestu leikmönnum heims síðustu ár en hún átti stóran þátt í því að tryggja liðinu 3. sætið á HM sem fór fram í Frakklandi í sumar.

Asllani hefur þá áður verið á mála hjá liðum á borð við Kristianstad, Manchester City og Paris Saint-Germain.


Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.