Helgi Sig var hundsvekktur með tap sinna manna
Helgi Sigurðsson, þjálfari Fylkis, var að vonum hundsvekktur eftir 2-1 tap sinna manna gegn FH í Pepsi Max-deildinni í kvöld. Sigurmark FH kom á lokamínútu leiksins.
„Menn lögðu þvílíkt á sig og búnir að spila þennan leik mjög vel og auðvitað er fúlt að taka ekkert útúr þessum leik. FH-ingar eru með gott fótboltalið og þá má aldrei líta af þeim en heilt yfir spiluðum við vel í dag." sagði Helgi eftir leikinn.
„Menn lögðu þvílíkt á sig og búnir að spila þennan leik mjög vel og auðvitað er fúlt að taka ekkert útúr þessum leik. FH-ingar eru með gott fótboltalið og þá má aldrei líta af þeim en heilt yfir spiluðum við vel í dag." sagði Helgi eftir leikinn.
Lestu um leikinn: FH 2 - 1 Fylkir
Fylkismenn byrjuðu leikinn mun betur og komust yfir snemma í seinni hálfleik með marki frá Ólafi Inga Skúlasyni. Við það virtust FH-ingar taka öll völd á vellinum og uppskáru sigur að lokum.
„Þeir eru á heimavelli og þeir þurfa að fara að sækja og við bökkum kannski að. Svo kemur þetta jöfnunarmark og sigurmarkið í lokin og það er hundfúlt. En við bara höldum áfram og mætum galvaskir í næsta leik."
Það hefur ekki farið framhjá neinum knattspyrnuáhugamanni að deildin er gríðarlega jöfn þetta sumarið. Fylkismenn sitja í áttunda sæti deildarinnar, fjórum stigum frá fallsvæði og sex stigum frá Evrópusæti.
„Þetta er búið að vera svona í allt sumar og ekkert sem að við erum ekki klárir í. Við tökum bara einn leik fyrir í einu og ætlum okkur að vinna næsta leik fyrst að við gátum ekki unnið þennan." sagði Helgi að lokum.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
