Callum Wilson, leikmaður Newcastle, kom boltanum í net Brighton í leik liðanna á laugardag. Markið fékk þó ekki að standa þar sem Graham Scott, dómari leiksins, var búinn að flauta í flautu sína og dæma hættuspark á Wilson.
„Fyrir mér þá hef ég fulla stjórn á því sem ég er að gera, ég halla mér og svo reyni ég að flikka boltanum yfir höfuðið á leikmanninum - ég er bara með augun á boltanum. Ég sný mér til að skjóta en þá er dómarinn þegar búinn að flauta, og því fer þetta ekki í skoðun í VAR," sagði Callum Wilson í The Footballers Football Podcast.
„Ef það hefði gert það þá held ég að VAR hefði haft örlítið öðruvísi skoðun á þessu atviki, þegar þeir sjá að ég er bara að horfa á boltann og varnarmaðurinn kemur með olnbogann á undan sér," bætti Wilson við.
Mark Clattenburg, fyrrum dómari í deildinni, var sammála ákvörðun dómara leiksins.
„Það eina sem ég mun segja er að markvörðurinn reynir ekki að verja. Hann hefði örugglega varið ef það hefði ekki verið búið að flauta. Þú segir að boltinn hafi farið í hornið, ég er ekki svo viss. Menn verða rólegri þegar þeir heyra flautið. Ef þú hefðir ekki heyrt flautið þá hefði boltinn eflaust farið í röð Z," sagði Clattenburg.
Lokatölur á Amex leikvanginum urðu 0-0 og eru bæði lið með fjögur stig eftir tvær umferðir. Atvikið má sjá hér að neðan.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 37 | 25 | 7 | 5 | 69 | 26 | +43 | 82 |
| 2 | Man City | 37 | 23 | 9 | 5 | 76 | 33 | +43 | 78 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 37 | 13 | 17 | 7 | 57 | 53 | +4 | 56 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Chelsea | 37 | 14 | 10 | 13 | 57 | 50 | +7 | 52 |
| 9 | Brentford | 37 | 14 | 10 | 13 | 54 | 51 | +3 | 52 |
| 10 | Sunderland | 37 | 13 | 12 | 12 | 40 | 47 | -7 | 51 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 37 | 9 | 11 | 17 | 47 | 57 | -10 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 37 | 4 | 9 | 24 | 37 | 74 | -37 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
