sun 18. október 2020 15:26
Guðmundur Aðalsteinn Ásgeirsson
Willum Þór lagði upp mark fyrir topplið BATE Borisov
Willum Þór Willumsson.
Willum Þór Willumsson.
Mynd: Fótbolti.net - Hafliði Breiðfjörð
Willum Þór Willumsson átti stoðsendingu að marki þegar BATE Borisov gerði jafntefli á útivelli gegn Isloch í úrvalsdeildinni í Hvíta-Rússlandi.

Willum lagði upp mark á 20. mínútu þegar BATE jafnaði metin í 1-1. Þannig var staðan í hálfleik.

Bæði lið skoruðu svo sitthvort markið í seinni hálfleiknum og lokatölur 2-2. Willum spilaði allan leikinn fyrir BATE, sem er á toppi deildarinnar með 50 stig, þremur stigum meira en Shakhtyor sem á leik til góða.

CSKA með sigur í nágrannaslag
Íslendingalið CSKA Moskva vann góðan 3-1 sigur á nágrönnum sínum í Dynamo Moskvu í rússnesku úrvalsdeildinni.

Hvorki Hörður Björgvin Magnússon né Arnór Sigurðsson spiluðu með CSKA í leiknum. Hörður var í banni og Arnór er að glíma við meiðsli á ökkla.

CSKA er í þriðja sæti rússnesku úrvalsdeildarinnar með 22 stig, tveimur stigum frá toppnum.
Athugasemdir
banner
banner
banner