Miðjumaðurinn Guðlaugur Victor Pálsson er í liði vikunnar hjá Kicker í þýsku B-deildinni eftir góða frammistöðu með Schalke 04 síðastliðið föstudagskvöld.
Það var mikil umræða um Guðlaug Victor eftir að hann ákvað að draga sig úr landsliðshópnum fyrir leik gegn Liechtenstein í undankeppni HM.
Hann vildi einbeita sér að félagsliði sínu; Schalke átti leik við Hannover síðasta föstudag.
Guðlaugur Victor lagði upp sigurmarkið í uppbótartíma síðari hálfleiks fyrir pólska varnarmanninn Marcin Kaminski. Það kom glæsileg fyrirgjöf inn í teiginn, sem Guðlaugur skallaði aftur fyrir sig á Kaminski og þaðan í netið.
Það er hægt að segja að ákvörðunin hafi borgað sig fyrir Guðlaug Victor, að draga sig úr landsliðshópnum en það verður fróðlegt að sjá hvort hann verði í næsta hóp. Arnar Þór Viðarsson, landsliðsþjálfari, var ekki sammála ákvörðun hans að draga sig út.
Sjá einnig:
Arnar um Gulla og Jóa: Mikilvægt að traustið og virðingin sé í báðar áttir
Victor Palsson in the team of the week 🇮🇸⭐️👌 https://t.co/CPGuowyGzb pic.twitter.com/6dfQFbayF8
— Magnus Agnar Magnusson (@totalfl) October 18, 2021
Athugasemdir