Lauren er sóknarmaður sem kemur til Þróttar frá bandarísku háskólaliði, Carson Newman, þar sem hún skoraði 38 mörk í 40 leikjum á síðasta tímabili og var markahæst í þeirri deild.

Hún lék jafnframt í stuttan tíma með UMEA í Svíþjóð og á að baki 19 A landsleiki fyrir Norður – Írland.

Þá hafa Þróttur og Capelli Sports hafa undirritað samning um samstarf varðandi búninga og búnað fyrir alla aldursflokka í öllum deildum Þróttar. Samningurinn, sem jafnframt nær til Rey Cup, er til 5 ára og gildir því út árið 2023.

Um er að ræða umfangsmesta búningasamning sem Þróttur hefur gert en félagið mun nú hætta að leika í Hummel búningum.