Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 19. febrúar 2021 14:00
Magnús Már Einarsson
Manchester United ræðir samningamál við Cavani
Edinson Cavani.
Edinson Cavani.
Mynd: Getty Images
Ole Gunnar Solskjær, stjóri Manchester United, hefur staðfest að félagið ætli að ræða við Edinson Cavani um framlengingu á samningi.

Cavani hefur skorað sjö mörk í 24 leikjum síðan hann kom frítt til Manchester United í upphafi tímabils.

Hinn 34 ára gamli Cavani gerði eins árs samning með möguleika á árs framlengingu.

„Edinson hefur staðið sig vel með okkur. Ég hef hrifist af honum og hann hefur fallið vel inn í hópinn," sagði Solskjær.

„Við munum setjast niður með honum og tala við hann í framtíðinni auðvitað, til að sjá áætlanir hans og okkar áætlanir. Þú ræðir alltaf við leikmenn um samningsmál og við erum mjög ánægðir með það sem hann hefur gert hér."
Athugasemdir
banner
banner