Haaland mættur í góðra manna hóp - Sjötti sem skorar meira en 40 mörk
Mynd: Getty Images
Mynd: Getty Images
Norski markaskorarinn Erling Braut Haaland gerði enn og aftur þrennu í gær þegar Manchester City vann auðveldan 6-0 sigur á Burnley í átta liða úrslitum enska bikarsins.
Haaland hefur verið að raða inn mörkunum að undanförnu en hann gerði hvorki meira né minna en fimm mörk á móti RB Leipzig í 16-liða úrslitum Meistaradeildar Evrópu í miðri viku. Hann er nú kominn með 41 mark á þessu tímabili og það er einungis mars mánuður.
Hann er sjötti leikmaðurinn í ensku úrvalsdeildinni sem nær að skora yfir 40 mörk á einu tímabili í öllum keppnum. Harry Kane og Mohamed Salah náðu því tímabilið 2017/18, Andy Cole tímabilið 1993/94, Ruud van Nistelrooy tímabilið 2002/03 og Cristiano Ronaldo tímabilið 2007/08.
Magnaður hópur sem Haaland er mættur í en allar líkur eru á því að Haaland muni slá þetta met þægilega. Nistelrooy og Salah eru efstir á listanum með 44 mörk.
40+ - Erling Haaland is the sixth Premier League player to score 40+ goals in all competitions in a single season:
— OptaJoe (@OptaJoe) March 18, 2023
44 - van Nistelrooy, 2002-03
44 - Salah, 2017-18
42 - Ronaldo, 2007-08
41 - Cole, 1993-94
41 - Kane, 2017-18
41 - Haaland, 2022-23
Company. pic.twitter.com/ZCWKfp0YP3
