Þýskaland: Bayern meistari í 35. sinn

Bæjarar þurftu aðeins stig til þess að tryggja titilinn en gerðu gott betur en það.

Þeir byrjuðu ekkert frábærlega. Chris Fuhrich kom gestunum yfir á 21. mínútu, en eftir það gerðu Bæjarar nokkuð þægilega út um leikinn.

Raphael Guerreiro jafnaði á 31. mínútu og tveimur mínútum síðar kom senegalski framherjinn Nicolas Jackson þeim yfir. Alphonso Davies var næstur í röðinni áður en flautað var til loka fyrri hálfleiks.

Harry Kane kom inn af bekknum í hálfleik og skoraði fjórða markið á 52. mínútu sem var 32. deildarmark hans á tímabilinu.

Spánverjinn Chema Andres minnkaði muninn fyrir Stuttgart, en það skemmdi ekki fagnaðarhöldin fyrir Bayern sem vann 4-2 og fagnaði 35. deildarmeistaratitlinum.

Aldrei í hættu hjá Bayern sem hefur átt ótrúlegt tímabil undir stjórn Vincent Kompany. Liðið setti nýtt markamet í deildinni á dögunum, er komið í undanúrslit bæði bikar og Meistaradeild, og virðist liðið líklegt til þess að taka þrennuna þetta árið.

Freiburg vann þá botnlið Heidenheim, 2-1. Max Eggestein gerði sigurmarkið á 83. mínútu sem nánast staðfesti fall Heidenheim niður í B-deildina.

Það er tólf stigum frá öruggu sæti þegar fjórar umferðir eru eftir.

Úrslit og markaskorarar:

Bayern 4 - 2 Stuttgart
0-1 Chris Fuhrich ('21 )
1-1 Raphael Guerreiro ('31 )
2-1 Nicolas Jackson ('33 )
3-1 Alphonso Davies ('37 )
4-1 Harry Kane ('52 )
4-2 Chema Andres ('89 )

Freiburg 2 - 1 Heidenheim
1-0 Johan Manzambi ('24 )
1-1 Budu Zivzivadze ('58 )
2-1 Maximilian Eggestein ('83 )