Fotbolti.net
19.05.17 - 09:16
Magnús Már Einarsson

Ísland mætir Brasilíu í lokaleik fyrir EM

Marta mætir á Laugardalsvöll.

Marta mætir á Laugardalsvöll.

Canon

Mynd: Getty Images

Kvennaboltinn
Íslenska kvennalandsliðið mun mæta Brasilíu í vináttuleik þann 13. júní en þetta verður kveðjuleikur íslenska liðsins áður en haldið er á EM í Hollandi. Samningur milli KSÍ og brasilíska knattspyrnusambandsins um leikinn var undirritaður í gærkvöldi.

Ísland leikur gegn Írlandi í Dublin fimmtudaginn 8. júní næstkomandi og leikurinn við Brasilíu kemur svo hér heima fimm dögum síðar.

Landsliðsþjálfari Brasilíu hafði greint frá leiknum á dögunum og KSÍ hefur nú staðfest að hann fari fram 13. júní.
Brasilía er eitt af sterkustu landsliðum heims en meðal leikmanna er Marta sem leikur með Orlando Pride en hún var útnefnd leikmaður ársins af FIFA fimm ár í röð en jafnan verið meðal þeirra efstu í kjörinu.

Í brasilíska liðinu er einnig Thaisa Moreno en hún leikur með Grindavík í Pepsi-deild kvenna.

Brasilía er í 9. sæti á heimslista FIFA en Ísland er í 18. sæti listans.

Miðasala á leikinn verður auglýst á næstu dögum.

Þá er það loksins (Staðfest) !

ÍSLAND - BRASILÍA þann 13. júní á Laugardalsvelli.

ÁFRAM ÍSLAND!https://t.co/G5eNVuiy6i pic.twitter.com/qqKO2NOUkw

— Knattspyrnusambandið (@footballiceland) May 19, 2017

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.