Fotbolti.net
19.07.16 - 11:25
Magnús Már Einarsson

Jóhann Berg til Burnley (Staðfest)

Jóhann Berg til Burnley (Staðfest)
Canon

Mynd: Burnley

Burnley hefur keypt íslenska landsliðsmanninn Jóhann Berg Guðmundsson í sínar raðir frá Charlton.

Jóhann skrifaði undir þriggja ára samning við Burnley með möguleika á árs framlengingu.

Burnley endurheimti sæti sitt í ensku úrvalsdeildinni í vor og Jóhann fær nú tækifæri til að spila á meðal þeirra bestu á Englandi.

Jóhann hefur undanfarin tvö ár spilað með Charlton í Championship deildinni en hann var besti maður liðsins á síðasta tímabili.
„Það er frábært að vera hér. Þetta er félag sem sýndi mikinn áhuga á mér og ég er mjög ánægður með að koma hingað og spila með Burnley,\" sagði Jóhann Berg.

„Þetta virðist vera fjölskyldufélag og allir eru nánir hér. Andrúmsloftið í kringum félagið er stórkostlegt ég sá hversu gott félag þetta er þegar ég spilaði hér á síðasta tímabili. Eftir það vildi ég ganga til liðs við félagið.\"

Sean Dyche, stjóri Burnley, er í skýjunum með að hafa klófest Jóhann. „Jóhann er hæfileikaríkur leikmaður sem sýndi gæði á síðasta tímabili þrátt fyrir erfiða tíma hjá Charlton,\" sagði Dyche.

„Það hjálpar að sjá leikmann spila á EM á meðal þeirra bestu og hann stóð sig vel þar. Við sáum þá að þetta væru góð kaup fyrir félagið og við hlökkum til að vinna með honum.\"
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.