Fotbolti.net
19.07.17 - 20:29
Guðmundur Aðalsteinn Ásgeirsson

Vestri segir Danimir Milkanovic upp störfum (Staðfest)

Danimir Milkanovic.

Danimir Milkanovic.

Canon

Mynd: Fótbolti.net - Hafliði Breiðfjörð

Knattspyrnudeild Vestra og Danimir Milkanovic hafa komist að þeirri niðurstöðu að Danimir leggi niður störf sem aðalþjálfari meistaraflokks Vestra í knattspyrnu.

Þetta segir í fréttatilkynningu frá Vestra í kvöld.

„Ástæða starfsloka er árangur liðsins í sumar sem báðir aðilar eru sammála um að sé alls ekki sá sem var stefnt á í byrjun sumars,\" segir í fréttatilkynningu frá Vestra.
„Knattspyrnudeild Vestra þakkar Danimir fyrir sín störf, en Danimir hefur frá fyrsta degi lagt mikla vinnu í starf sitt. Óskum við honum velfarnaðar í komandi verkefnum.\"

Daniel Badu, sem hefur þjálfað liðið ásamt Danimir, mun halda áfram. Honum til halds og traust verða svo þeir Jón Hálfdán Pétursson og Pétur Georg Markan.

Vestri er í augnablikinu í sjöunda sæti 2. deildar karla með 16 stig, en það er eins og áður segir ekki ásættanlegur árangur.
Badu heldur áfram að þjálfa Vestra.

Badu heldur áfram að þjálfa Vestra.

Canon

Mynd: Fótbolti.net - Hafliði Breiðfjörð

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.