Treyjan hjá Huddersfield var grín - Engin auglýsing á henni

Huddersfield hefur staðfest að félagið verði með enga auglýsingu á búningi sínum fyrir komandi tímabil í Championship deildinni.

Í vikunni kynnti Huddersfield treyju sem vakti mikla athygli en hún var með auglýsingu frá veðmálafyrirtækinu Paddy Power.

<B>Sjá einnig:</B>
<a href="https://fotbolti.net/fullStory.php?id=280939" target="_blank">Leikmenn Huddersfield verða eins og fegurðardrottningar</a>
<a href="https://fotbolti.net/fullStory.php?id=280959" target="_blank">Huddersfield refsað út af nýju treyjunni?</a>

Treyjan vakti hörð viðbrögð og enska knattspyrnusambandið hótaði að refsa Huddersfield fyrir of stóra auglýsingu á treyjunni.

Í morgun staðfesti Huddersfield síðan að um grín hafi verið að ræða og að félagið verði með enga auglýsingu á treyjunni í ár.

Félagið segist styðja það að hafa engar auglýsingar á búningum.