mán 19. ágúst 2019 22:00
Arnar Helgi Magnússon
Lichtsteiner orðinn liðsfélagi Alfreðs (Staðfest)
Mynd: Getty Images
Stephan Lichtsteiner er orðinn liðsfélagi Alfreðs Finnbogasonar en hann skrifaði undir eins árs samning við Augsburg í dag.

Þessi 35 ára landsliðsfyrirliði Sviss lék með Arsenal á síðasta tímabili en hann kom til Lundúnarliðsins frá Juventus.

Hann lék 23 leiki í öllum keppnum en eina markið hans kom í Carabao deildabikarnum.

„Þetta er akkurat sú áskorun sem ég var að leita að eftir dvöl mína á Englandi. Ég trúi því að ég geti komið með fullt inn í þetta hungraða unga lið," segir Lichsteiner.

Augsburg tapaði stórt í 1. umferð Bundesligunnar gegn Dortmund. Alfreð Finnbogason var ekki í leikmannahópnum vegna meiðsla. Næsti leikur liðsins er gegn Union Berlin á laugardag.
Athugasemdir
banner
banner
banner