Velska stórstjarnan kemur á eins árs lánssamningi frá Real Madrid og er Tottenham sagt borga 20 milljónir punda í laun og lánskostnað.

Bale er staðfestur aðeins nokkrum mínútum eftir að félagaskipti bakvarðarins Sergio Reguilon voru staðfest. Reguilon kemur einnig frá Real.

Bale var keyptur til Real fyrir metfé á sínum tíma eftir sex ár hjá Tottenham. Nú hefur Bale verið í sjö ár hjá Real svo tími kominn til að snúa aftur til Lundúna.

Bale er að glíma við meiðsli í hné og er ekki búist við að hann verði klár í slaginn fyrr en eftir næsta landsleikjahlé í október.