Fotbolti.net
20.03.19 - 11:45
Ívan Guðjón Baldursson
Ítalska deildin

Igor Tudor tekur aftur við Udinese (Staðfest)

Davide Nicola rekinn

Igor Tudor tekur aftur við Udinese (Staðfest)
Canon

Mynd: Getty Images

Udinese er búið að staðfesta brottrekstur Davide Nicola úr þjálfarastól sínum og tekur Króatinn Igor Tudor við félaginu í annað sinn á tæpu ári.
Tudor var fyrst ráðinn í apríl í fyrra og var hans verkefni að bjarga félaginu frá falli, sem hann gerði. Þrátt fyrir þann árangur var ákveðið að reka hann til að ráða Julio Velazquez, sem entist þó aðeins til nóvember. Nicola var svo ráðinn í nóvember.

Udinese er í bullandi fallbaráttu þegar tíu umferðir eru eftir af tímabilinu, einu stigi fyrir ofan fallsvæðið.

Tudor er fertugur og hefur ekki stýrt félagi síðan hann var síðast hjá Udinese. Fyrir það þjálfaði hann meðal annars Galatasaray og PAOK en hann gerði garðinn frægan með Juventus og króatíska landsliðinu í kringum aldamótin.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.