Ísland tók í dag lokaæfingu sína í æfingabúðunum í Peralada á Spáni áður en liðið heldur til Andorra á morgun og leikur þar gegn heimamönnum í undankeppni HM 2020 á föstudagskvöldið.
Að þessu sinni var mættur gestur í stúkuna við völlinn til að fylgjast með strákunum æfa.
Það var Gonzalo Balbi fyrrverandi leikmaður KR en eins og frægt var meðan hann lék með vesturbæjarliðinu er hann mágur Luis Suarez sem leikur með Barcelona sem er hérna í 90 kílómetra fjarægð.
Á myndunum sést hvar Balbi heilsar upp á Hannes Þór Halldórsson fyrrverandi liðsfélaga sinn í KR og að neðan situr hann í stúkunni.
Athugasemdir