Fotbolti.net
20.05.18 - 07:30
Guðmundur Aðalsteinn Ásgeirsson

Ricardo Pereira í Leicester (Staðfest)

Ricardo Pereira í Leicester (Staðfest)
Canon

Mynd: Getty Images

Leicester hefur staðfest það að bakvörðurinn Ricardo Pereira sé á leið til félagsins frá Porto. Sagt er að kaupverðið séu 25 milljónir evra.

Pereira er búinn að semja við Leicester en hann má formlega ganga í raðir félagsins þann 9. júní næstkomandi.

Pereira er 24 ára hægri bakvörður sem getur einnig spilað á kantinum. Hann skrifaði undir fimm ára samning við Leicester, en hann er fyrsti leikmaðurinn sem kemur til félagsins í sumar.
Claude Puel, stjóri Leicester, þekkir leikmanninn vel eftir að hafa þjálfað hann hjá Nice þar sem hann var í láni.

Ricardo spilaði 43 leiki með Porto á þessu tímabili þar af voru sjö þeirra í Meistaradeildinni. Hann er í HM-hópi Portúgals sem var tilkynntur á dögunum.

Leicester endaði í níunda sæti ensku úrvalsdeildarinnar á tímabilinu.

BREAKING: Leicester make Porto right-back Ricardo Pereira their first signing of the summer transfer window. #SSN pic.twitter.com/whLWSB9JJU

— Sky Sports News (@SkySportsNews) May 19, 2018

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.