Ibrahima Konate, leikmaður Liverpool, mun ekki spila með franska landsliðinu í Þjóðadeildinni eftir úrslitaleik Meistaradeildarinnar í lok mánaðar.
Ibrahima Konate, leikmaður Liverpool, mun ekki spila með franska landsliðinu í Þjóðadeildinni eftir úrslitaleik Meistaradeildarinnar í lok mánaðar.
Þetta hefur Didier Deschamps, stjóri Frakklands, staðfest en hann telur sig ekki þurfa Konate eins og staðan er þrátt fyrir góða frammistöðu leikmannsins í vetur og sumar.
Konate hefur komið mjög sterkur inn í lið Liverpool sem á enn möguleika á að vinna alla þá titla sem eru í boði.
Deschamps vill þó frekar nota varnarmenn sem eru vanir að spila í þriggja manna línu, eitthvað sem Konate gerir ekki á Anfield.
„Já ég fylgist með Konate, hann spilar í liði sem berst um sigur í Meistaradeildinni og titilinn á Englandi. Síðan hann kom til Liverpool hefur hann hins vegar aðallega spilað í fjögurra manna varnarlínu og það er samkeppni í franska liðinu," sagði Deschamps.
„Ég valdi William Saliba síðast og hann spilar alltaf í þriggja manna línu. Samkeppnin er mikil sem er mjög gott. Það þýðir að reynslumeiri leikmönnum geti ekki liðið of þægilega."