Landsliðsmanninn Viðar Örn þarf ekki að kynna fyrir lesendum en hann er búinn að gera 7 mörk í 15 deildarleikjum að láni hjá Hammarby í sumar. Hann er samningsbundinn FK Rostov en félagið getur ekki lofað honum nægum spiltíma og lánar því út.

Viðar hefur gert góða hluti og verið iðinn við markaskorun hvert sem hann hefur komið nema í Rússlandi þar sem tækifærin hafa verið af skornum skammti. Nú fær hann annað tækifæri til að sanna sig í Rússlandi eftir að hafa verið nánast óstöðvandi í Ísrael, Kína og Svíþjóð.

Hann lék fyrir Maccabi Tel Aviv í fyrra þegar Rostov keypti hann fyrir 2,5 milljónir evra.