Fotbolti.net
20.11.17 - 10:37
Elvar Geir Magnússon

Tony Pulis rekinn frá West Brom (Staðfest)

Pulis hefur fengið sparkið.

Pulis hefur fengið sparkið.

Canon

Mynd: Getty Images

Tony Pulis hefur verið rekinn sem knattspyrnustjóri West Bromwich Albion og mun Gary Megson taka við til bráðabirgða.

4-0 tap gegn Chelsea á laugardaginn var síðasta hálmstráið en liðið hefur ekki náð að landa sigri í síðustu ellefu leikjum. Stuðningsmenn voru orðnir ósáttir og farnir að kalla eftir því að Pulis yrði rekinn.
Liðið er einu sæti og einu stigi fyrir ofan fallsæti og ákvað kínverskur eigandi félagsins, Guochaun Lai, að láta Pulis taka pokann sinn.

„Það er aldrei auðvelt að taka svona ákvarðanir en þær eru teknar með hagsmuni félagsins að leiðarljósi,\" segir stjórnarformaðurinn John Williams.

„Við erum í úrslitabransa og ef við horfum í lok síðasta tímabils og þetta tímabil hingað til þá hafa okkar úrslit verið vonbrigði.\"

„Við erum þakklátir fyrir framlag Tony, hann hefur lagt mikið á sig á flóknum tíma þar sem félagið gekk í gegnum eigendaskipti. Við óskum honum góðs gengis í því sem hann tekur sér fyrir hendur.\"

Pulis tók við West Brom í janúar 2015 og endaði liðið í 13., 14. og 10. sæti undir hans stjórn.

Eins og áður segir tekur Megson við stjórn liðsins til bráðabirgða. Hann var knattspyrnustjóri félagsins 2000-2004 og snéri aftur til starfa hjá því í sumar.

Lai eigandi flaug til Englands frá Kína til að vera viðstaddur leikinn gegn Chelsea. Hans bíður það verkefni að ráða nýjan stjóra fyrir West Brom en Derek McInnes, stjóri Kára Árnasonar og félaga í Aberdeen, er orðaður við starfið.

Tony Pulis can now have a few months off before turning up to save someone from relegation in January / February.

— Dan Walker (@mrdanwalker) November 20, 2017

Premier league - karlar

#LiðLmunStig
1Arsenal10+1027
2Brighton10+1922
3Man City10+821
4Liverpool10+418
5Chelsea10+316
6Everton10+216
7Bournemouth10+215
8Brentford10+514
9Leeds10+214
10Aston Villa10-313
11Tottenham10-112
12Newcastle10-312
13Hull City10011
14Ipswich Town10-511
15Fulham10-210
16Nott. Forest10-49
17Coventry10-99
18Man Utd10-58
19Sunderland10-98
20Crystal Palace10-147
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.