Fotbolti.net
20.11.18 - 14:00
Magnús Már Einarsson

Bryndís Lára aftur í Þór/KA (Staðfest)

Bryndís Lára Hrafnkelsdóttir.

Bryndís Lára Hrafnkelsdóttir.

Canon

Mynd: Fótbolti.net - Hafliði Breiðfjörð

Kvennaboltinn
Markvörðurinn Bryndís Lára Hrafnkelsdóttir hefur skrifað undir þriggja ára samning hjá Þór/KA.

Bryndís Lára hefur verið einn öflugasti markvörður Pepsi-deildarinnar undanfarin ár en hún varð Íslandsmeistari með liðinu árið 2017.
Eftir það tímabil ákvað hún að leggja markmannshanskana á hilluna og snéri sér að frjálsum íþróttum. Bryndís snéri aftur í mark Þórs/KA í vor þegar Helena Jónsdóttir meiddist illa og ljóst að hún léki ekki meira með liðinu.

Bryndís spilaði sex leiki með Þór/KA áður en hún fór í sitt gamla félag ÍBV á láni í júlí. Þar spilaði hún sjö leiki síðari hluta tímabils.

Bryndís Lára sem er 27 ára gömul á að baki alls 152 leiki með meistaraflokki þ.e. með Ægi, Breiðabliki, ÍBV og Þór/KA. Leikir Bryndísar með Þór/KA eru 33.

„Það að Bryndís Lára skuli taka slaginn með Þór/KA er afar ánægjulegt. Bryndís er sterkur leikmaður með mikla reynslu og á eftir að nýtast liðinu vel," segir á heimasíðu Þórs.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.