þri 21. janúar 2020 15:32
Guðmundur Aðalsteinn Ásgeirsson
Sjáðu fyrstu mörk Berglindar fyrir AC Milan
Berglind Björg Þorvaldsdóttir.
Berglind Björg Þorvaldsdóttir.
Mynd: Fótbolti.net - Hafliði Breiðfjörð
Berglind Björg Þorvaldsdóttir segir að hún muni skora meira fyrir AC Milan en Zlatan Ibrahimovic og hún fer vel af stað í Mílanó.

Hún skoraði tvennu í 3-2 endurkomusigri Milan gegn Roma í gær. Hún stimplaði sig hressilega inn í lið Milan.

Roma komst í 2-0 í leiknum en Berglind minnkaði muninn á 70. mínútu og skoraði síðan sigurmarkið með skalla á 90. mínútu.

Berglind Björg kom til AC Milan frá Breiðabliki fyrir helgi en hún mun leika í Serie A fram á vor áður en hún snýr aftur í Kópavoginn. Berglind fékk treyju númer 10 hjá AC Milan

AC Milan er áfram í fjórða sæti eftir sigurinn en liðið er nú einungis stigi á eftir Roma sem er í þriðja sæti.

Hér að neðan má sjá það helsta úr sigri Milan og þar á meðal mörg Berglindar.


Athugasemdir
banner
banner