banner
   sun 21. febrúar 2021 12:20
Aksentije Milisic
Sancho í sögubækurnar - Yngsti til að skora 35 mörk í þýsku deildinni
Sancho með fyrirliðabandið í gær.
Sancho með fyrirliðabandið í gær.
Mynd: Getty Images
Borussia Dortmund fór létt með erkifjendurnar í Schalke í gær en liðið vann 4-0 útisigur á botnliðinu. Sigurinn var nauðsynlegur í baráttunni um Meistaradeildarsæti en Erling Haaland gerði tvennu í leiknum. Fyrra marki var einkar glæsilegt.

Hinn tvítugi Jadon Sancho skoraði eitt marka Dortmund en það gerði hann á 42. mínútu. Með þessu marki var Englendingurinn að skrá sig í sögubækurnar en nú er hann yngsti leikmaðurinn í sögu þýsku deildarinnar sem nær að skora 35 mörk.

Sancho nýtti sér mistök Benjamin Stambouli og kláraði færið sitt einkar vel með hægri fæti. Hann lagði einnig upp mark í leiknum. Góður dagur fyrir Dortmund sem vann einnig fyrri leik sinn í 16 liða úrslitum Meistaradeildar Evrópu gegn Sevilla.

Sancho, sem virtist vera á leið til Manchester United á síðasta tímabili, byrjaði tímabilið ekki vel en hann hefur verið að stiga upp að undanförnu og vonandi fyrir Dortmund að það haldi áfram út tímabilið, hið minnsta.
Athugasemdir
banner
banner
banner