Davíð Smári eftir fyrsta sigurinn: Þetta er ástæðan fyrir því að maður er í þessu
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Þetta er ástæðan fyrir því að maður er í þessu, að sigra leiki," sagði Davíð Smári Lamude, þjálfari Vestra, eftir fyrsta sigur liðsins í efstu deild eftir sigur á KA í dag.
„Mér fannst þetta verðskuldaður sigur. Mér fannst við töluvert sterkari aðilinn í fyrri hálfleik. Mér fannst við pínu ragir í seinni hálfleik og vera með það í huga að stig væri þokkalegt í seinni hálfleik. Það sem stendur uppúr er skipulagið varnarlega, frammistaðan og orkan."
Davíð er ánægður með þróunina á spilamennsku liðsins milli leikja.
„Við þurfum að bæta okkur á milli leikja, mér finnst við hafa gert það. Varnarskipulagið mjög gott. Mér fannst við alltaf hættulegir þegar við unnum boltann og það veitir á gott," sagði Davíð Smári.
„Við erum komnir í þetta mót til að gera vel. Þegar við erum að spila á móti þessum stóru liðum verður erfitt að vinna okkur og það á að vera það."
