Newcastle gæti selt Isak fyrir 83 milljónir punda - Atletico hefur áhuga á Ndidi - Huijsen orðaður við Liverpool
   þri 21. maí 2024 09:50
Elvar Geir Magnússon
Ranieri heldur áfram að ná mögnuðum árangri - Ætlaði að segja af sér um mitt tímabil
Ranieri er goðsögn hjá Cagliari.
Ranieri er goðsögn hjá Cagliari.
Mynd: EPA
Mynd: EPA
Claudio Ranieri er þekktastur fyrir það afrek að hafa gert Leicester að Englandsmeisturum en þessi 72 ára stjóri er enn í fullu fjöri og er að gera frábæra hluti með Cagliari.

Um helgina náði liðið að halda sæti sínu í ítölsku A-deildinni og Ranieri var borinn á kóngastól af leikmönnum sínum eftir leikinn.

Ranieri tók við Cagliari á Þorláksmessu 2022 en á þeim tíma var liðið í 14. sæti í B-deildinni. Hann kom liðinu á flug og það endaði með því að vinna sér inn sæti í A-deildinni.

Ætlaði að segja upp
Þetta tímabil byrjaði erfiðlega og um mitt tímabil bauðst Ranieri til að segja upp. Félagið og leikmenn fengu hann til að skipta um skoðun. Það borgaði sig því Cagliari verður áfram í deild þeirra bestu.

„Ég ætlaði að fara en strákarnir stöðvuðu það því þeir vildu halda mér. Ég samþykkti það gegn því loforði að þeir myndu vakna og komast á skrið," segir Ranieri.

„Ég á eitt ár eftir af samningi mínum en bíðum og sjáum. Ég ætla að fara í smá frí núna og fá hvíld."

Ranieri er goðsögn hjá Cagliari en hann tók fyrst við liðinu 1988 og skapaði sér nafn sem stjóri. Hann kom liðinu þá upp í A-deildina með því að fara upp um tvær deildir á tveimur árum. Hann hélt svo liðinu uppi í A-deildinni.
Stöðutaflan Ítalía Serie A - karlar
  L U J T ms: mf: mun Stig
1 Napoli 25 17 5 3 41 19 +22 56
2 Inter 25 16 6 3 58 24 +34 54
3 Atalanta 25 15 6 4 54 26 +28 51
4 Juventus 25 11 13 1 42 21 +21 46
5 Lazio 25 14 4 7 47 34 +13 46
6 Fiorentina 25 12 6 7 41 27 +14 42
7 Milan 24 11 8 5 36 24 +12 41
8 Bologna 24 10 11 3 38 29 +9 41
9 Roma 25 10 7 8 36 29 +7 37
10 Udinese 25 9 6 10 32 37 -5 33
11 Torino 25 6 10 9 27 31 -4 28
12 Genoa 24 6 9 9 22 33 -11 27
13 Como 25 6 7 12 30 40 -10 25
14 Cagliari 25 6 7 12 26 39 -13 25
15 Lecce 25 6 7 12 18 41 -23 25
16 Verona 25 7 2 16 26 54 -28 23
17 Empoli 25 4 9 12 22 38 -16 21
18 Parma 25 4 8 13 30 45 -15 20
19 Venezia 24 3 7 14 22 39 -17 16
20 Monza 25 2 8 15 21 39 -18 14
Athugasemdir
banner
banner
banner
banner