Tveir frá Villarreal tróna á toppnum

Norski sóknarmaðurinn Alexander Sorloth er nú markahæstur í deildinni með 23 mörk eftir að hafa skorað fjögur mörk gegn Real Madrid í 4-4 jafntefli um helgina.

Sorloth er með tveggja marka forystu á Artem Dovbyk, sóknarmann Girona, fyrir lokaumferðina.

Norðmaðurinn er með kaupákvæði upp á 38 milljónir evra í samningi sínum og ljóst að það verður mikill áhugi á honum í sumar.

Spænski leikmaðurinn Alex Baena er þá með 13 stoðsendingar í deildinni en enginn er með fleiri stoðsendingar en hann. Baena er með 60 milljóna evra kaupákvæði í samningi sínum en hann hefur verið orðaður við enska úrvalsdeildarfélagið Aston Villa.

Þetta er ótrúlegt afrek í ljósi þess að Villarreal situr í 8. sæti La Liga en liðið á ekki möguleika á að spila í Evrópukeppni á næsta tímabili.