Fotbolti.net
21.06.17 - 19:00
Guðmundur Aðalsteinn Ásgeirsson

Nordtveit seldur frá West Ham eftir eitt tímabil (Staðfest)

Átti erfitt uppdráttar hjá West Ham.

Átti erfitt uppdráttar hjá West Ham.

Canon

Mynd: Getty Images

Enska úrvalsdeildarfélagið West Ham hefur tilkynnt um sölu á miðjumanninum Havard Nordtveit eftir aðeins eitt tímabil. Hann er farinn aftur til Þýskalands, til Hoffenheim á 8 milljónir punda.

Þessi 26 ára gamli Norðmaður átti erfitt uppdráttar hjá West Ham, en hann kom þangað síðasta sumar frá Borussia Mönchengladbach.
„Ég vil þakka Havard fyrir vinnu sína á síðasta tímabili,\" sagði Slaven Bilic, stjóri West Ham, þegar tilkynnt var um brottför Nordtveit.

„Hann er stórkostlegur atvinnumaður og við óskum honum alls hins besta hjá Hoffenheim.\"

Nordtveit lék sinn fyrsta leik fyrir West Ham í Evrópudeildinni í júlí og heilt yfir lék hann 21 leik fyrir félagið.

Hann fer nú til Hoffenheim sem átti gott tímabil og endaði í fjórða sæti þýsku Bundesligunnar.

Best of luck in the future, Havard. https://t.co/Q4WdzFLNuT

— West Ham United (@WestHamUtd) June 20, 2017

Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.