Byrjunarlið Víkings gegn Hapoel: Sölvi gerir markvarðarbreytingu

Liðið er gjörbreytt frá síðasta leik liðsins í Bestu deildinni en þar gerði Sölvi margar breytingar og hvíldi nokkra lykilmenn. Þrjár breytingar eru á liðinu frá síðari leiknum gegn Györ sem fór fram í Ungverjalandi fyrir viku síðan. Í þeim leik byrjuðu Tarik Ibrahimagic og Sveinn Gísli Þorkelsson en þeir eru báðir á bekknum í dag. Inn í stað þeirra koma þeir Gunnar Vatnhamar og Aron Elís Þrándarson. Gunnar glímdi við minniháttar meiðsli en hann meiddist í upphitun fyrir fyrri leik liðsins við Györ.

Það sem vekur mesta athygli er það að Ögmundur Kristinsson, sem hefur byrjað síðustu leiki, er á bekknum í kvöld. Aron Snær meiddist í byrjun mánaðar í leik gegn KA og hefur verið utan hóps síðan þá. Ögmundur var nýgenginn til liðs við Víkings þegar þetta átti sér stað en ljóst er að Sölvi ætlar að treysta Aroni fyrir leik kvöldsins.