Vinicius fór í lýtaaðgerð eftir heimsmeistaramótið

Myndir af Vinicius Jr. hafa farið eins og eldur í sinu á samfélagsmiðlum þar sem margir telja að brasilíski landsliðsmaðurinn hafi gengist undir lýtaaðgerð.

Bandaríska dagblaðið New York Post greinir frá því að Vinicius hafi farið í aðgerð á hökusvæðinu og vísar þar í brasilíska miðilinn TMC.

Samkvæmt fréttinni leitaði hann til lýtalæknisins Alessandro Alarcao í Brasilíu, sem á að hafa mótað og skerpt á hökulínu Vini.

Þá hefur hann sömuleiðis látið skeggið vaxa og eru margir netverjar að velta sér upp úr nýja útliti Brassans.