„Þetta er súrsæt tilfinning. Við erum búnir að eiga nokkra möguleika að klára fyrsta sætið en það hafðist ekki. En ég vill óska Gróttu til hamingju, frábært sumar hjá þeim og verðskuldað á toppnum,“

Sagði Ásmundur Arnarson þjálfari Fjölnis eftir tap sinna manna í Keflavík í dag en með tapinu sá Fjölnir bikarinn fyrir sigur í Inkassodeildinni fara í hendur Gróttu,

Lestu um leikinn: Keflavík 1 -  0 Fjölnir

Þrátt fyrir tapið hafði Fjölnir þegar tryggt sig upp í Pepsi Max deildinna eftir árs fjarveru. Hvaða breytingar sér Ásmundur fyrir sér að geri þurfi á hópnum?

„Við verðum að skoða það vel núna. Það er ljóst að við þurfum eitthvað að bæta í og þétta raðirnar og auka breiddina en það taldi svolítið hjá okkur að það vantaði tvo öfluga menn í dag.“

Ásmundur gerir ráð fyrir því að halda áfram með liðið en um málefni Rasmus Christiansen sem er á láni frá Val sagði hann.

„Við vonumst eftir því að Rasmus verði áfram hjá okkur en það er eitt af því sem á eftir að klára og kemur í ljós.“

Sagði Ásmundur en allt viðtalið má sjá hér að ofan.

Tweet

Senda a Facebook Hafdu samband Senda frétt Prenta frétt Frétta leit