Chris Wilder, stjóri Sheffield United, var himinlifandi með stigin þrjú sem hans menn unnu inn í dag á erfiðum útivelli.
Nýliðarnir heimsóttu Everton og tókst að sigra leikinn 0-2 þrátt fyrir að eiga aðeins eitt skot sem hæfði markrammann í öllum leiknum.
„Við erum ánægðir með stigin. Þetta var fáránlegur leikur, mögulega okkar versta frammistaða á tímabilinu en samt förum við heim með þrjú stig," sagði Wilder.
„Við vorum mjög góðir án boltans en gátum ekkert þegar við fengum hann. Þeir voru mikið að gefa fyrirgjafir en við vörðumst vel. Þeir hafa fengið milljón hornspyrnur í leiknum.
„Við vorum heppnir í dag en við vorum óheppnir í síðustu viku þannig þetta jafnast út. Fólk segir að maður þurfi að vera góður á heimavelli til að lifa af í úrvalsdeildinni en við erum að snúa þessari hugsun við."
Everton var í sókn allan leikinn en átti erfitt með að finna glufur á vörn gestanna. Sheffield er komið upp að hlið Tottenham á stöðutöflunni, með 8 stig eftir 6 umferðir. Everton situr eftir með 7 stig.
Lærisveinar Wilder eru nú búnir að vinna einn og gera tvö jafntefli í þremur útileikjum í úrvalsdeildinni. Jafnteflin voru gegn Bournemouth og Chelsea.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 37 | 25 | 7 | 5 | 69 | 26 | +43 | 82 |
| 2 | Man City | 37 | 23 | 9 | 5 | 76 | 33 | +43 | 78 |
| 3 | Man Utd | 37 | 19 | 11 | 7 | 66 | 50 | +16 | 68 |
| 4 | Aston Villa | 37 | 18 | 8 | 11 | 54 | 48 | +6 | 62 |
| 5 | Liverpool | 37 | 17 | 8 | 12 | 62 | 52 | +10 | 59 |
| 6 | Bournemouth | 37 | 13 | 17 | 7 | 57 | 53 | +4 | 56 |
| 7 | Brighton | 37 | 14 | 11 | 12 | 52 | 43 | +9 | 53 |
| 8 | Chelsea | 37 | 14 | 10 | 13 | 57 | 50 | +7 | 52 |
| 9 | Brentford | 37 | 14 | 10 | 13 | 54 | 51 | +3 | 52 |
| 10 | Sunderland | 37 | 13 | 12 | 12 | 40 | 47 | -7 | 51 |
| 11 | Newcastle | 37 | 14 | 7 | 16 | 53 | 53 | 0 | 49 |
| 12 | Everton | 37 | 13 | 10 | 14 | 47 | 49 | -2 | 49 |
| 13 | Fulham | 37 | 14 | 7 | 16 | 45 | 51 | -6 | 49 |
| 14 | Leeds | 37 | 11 | 14 | 12 | 49 | 53 | -4 | 47 |
| 15 | Crystal Palace | 37 | 11 | 12 | 14 | 40 | 49 | -9 | 45 |
| 16 | Nott. Forest | 37 | 11 | 10 | 16 | 47 | 50 | -3 | 43 |
| 17 | Tottenham | 37 | 9 | 11 | 17 | 47 | 57 | -10 | 38 |
| 18 | West Ham | 37 | 9 | 9 | 19 | 43 | 65 | -22 | 36 |
| 19 | Burnley | 37 | 4 | 9 | 24 | 37 | 74 | -37 | 21 |
| 20 | Wolves | 37 | 3 | 10 | 24 | 26 | 67 | -41 | 19 |
