Tveir úr neðri hlutanum komust í lið ársins

Fótbolti.net opinberaði í vikunni lið ársins í Bestu deild karla. Tveir leikmenn sem eru í liðinu koma úr liðum sem enduðu í neðri hluta deildairnnar eftir tvískiptinguna.

Í markinu er Jökull Andrésson markvörður FH. Þjálfarinn Jóhannes Karl Guðjónsson gagnrýndi hann opinberlega eftir jafntefli gegn ÍBV í sumar. Ummæli sem voru umdeild en Jökull tók gagnrýnina á kassann og fór í ham milli stanganna hjá FH.

„Ef ég get komið með einhver skilaboð á markmenn þá er það að ein mistök skilgreina þig ekki sem markmann. Við erum hetjur eða illmenni, svona er þetta bara," sagði Jökull í frægu viðtali í sumar.

Jökull ver að meðaltali 3,4 skot í leik og hefur haldið fimm sinnum hreinu á tímabilinu.