Manchester United er á toppnum í dag en liðið varð síðast meistari árið 2013. Rooney vann titilinn fimm sinnum með Manchester United og hann telur að liðið verði meistari í vor.

„Síðustu ár hefur Manchester United ekki verið tilbúið að berjat um titilinn en núna hefur liðið fengið leikmenn með sigurhugarfar eins og Fernandes og Cavani og það hefur hjálpað gríðarlega mikið," sagði Rooney.

„Núna er hópurinn að berjast um titilinn í ensku úrvalsdeildinni. Ég sagði við þjálfarateymið á skrifstofunni minni fyrir sex vikum að Manchester United muni vinna deildina og ég tel það ennþá í dag."

„Paul Pogba hefur átt gríðarlega mikinn þátt í því. Leikmennirnir sem komu með sigurhugarfar taka pressuna aðeins af Paul og hann getur núna sýnt gæði sín inni á vellinum."