Króatíski landsliðsbakvörðurinn Josip Juranovic er genginn til liðs við Union Berlín í Þýskalandi en hann kemur frá skoska stórveldinu Celtic.
Juranovic var frábær í liðið Króata er liðið komst í undanúrslit heimsmeistaramótsins í Katar í desember.
Þessi 27 ára gamli leikmaður hefur gert ágætis hluti með Celtic frá því hann kom frá Legia Varsjá fyrir tveimur árum en hefur nú tekið stökkið í þýsku deildina.
Í dag skrifaði hann undir langtímasamning við Union Berlín og er kaupverðið talið nema um 7,5 milljónir punda.
Hann er annar leikmaðurinn sem Union fær til félagsins í þessum glugga á eftir Jerome Roussillon.
Athugasemdir