Kompany vill taka við Bayern - Isak og Brobbey efstir á blaði Arsenal - McKenna orðaður við Chelsea og Man Utd
banner
   mán 22. apríl 2024 09:40
Elvar Geir Magnússon
Sterkasta lið 3. umferðar - Tveir átján ára í liðinu
Freyr Sigurðsson var hetja Framara.
Freyr Sigurðsson var hetja Framara.
Mynd: Fótbolti.net - Hafliði Breiðfjörð
Gunnar Vatnhamar öflugur að vanda.
Gunnar Vatnhamar öflugur að vanda.
Mynd: Fótbolti.net - Hafliði Breiðfjörð
Helgi Fróði Ingason.
Helgi Fróði Ingason.
Mynd: Fótbolti.net - Hafliði Breiðfjörð
Steypustöðin færir þér Sterkasta lið hverrar umferðar í Bestu deildinni. Víkingur er eina liðið sem er með fullt hús stiga eftir þrjár umferðir en Íslandsmeistararnir rúlluðu yfir Breiðablik 4-1 í stórleik umferðarinnar.

Gunnar Vatnhamar bjargaði á mikilvægum tímapunktum fyrir Víking og er færeyski landsliðsmaðurinn í annað sinn í liði umferðarinnar. Leikmaður umferðarinnar er Ari Sigurpálsson en sóknarleikmaðurinn ungi skoraði tvö mörk.



ÍA á þrjá fulltrúa eftir að hafa burstað Fylki 5-1 í Akraneshöllinni. Markvörðurinn Árni Marinó Einarsson, varnarmaðurinn Oliver Stefánsson og sóknarmaðurinn Hinrik Harðarson eru allir í liðinu en sá síðastnefndi skoraði fyrsta mark leiksins.

Við óskum Djúpmönnum til hamingju með sinn fyrsta sigur í efstu deild. Danski varnarmaðurinn Jeppe Gertsen skoraði sigurmarkið gegn KA í uppbótartíma en miðjumaðurinn Fatai Gbadamosi var afskaplega drjúgur í leiknum og var valinn maður leiksins.

Hinn átján ára gamli Freyr Sigurðsson var hetja Fram og skoraði eina markið í frábærum 1-0 sigri gegn KR. Framarar eru öflugir í byrjun móts og Rúnar Kristinsson er þjálfari umferðarinnar. Þá er Kyle McLagan einnig í úrvalsliðinu en hann var hrikalega öflugur í vörn Framara.

Björn Daníel Sverrisson sýndi Bergkamp takta þegar hann skoraði fyrir FH í 2-0 sigri gegn HK og var valinn maður leiksins. Þá var hinn átján ára gamli Helgi Fróði Ingason valinn maður leiksins eftir 1-0 sigur Stjörnunnar gegn Val.

Fyrri úrvalslið
Sterkasta lið 2. umferðar
Sterkasta lið 1. umferðar
Innkastið - Flugbraut fyrir meistarana og norðlensk neikvæðni
Besta-deild karla
Lið L U J T Mörk mun Stig
1.    Víkingur R. 7 6 0 1 18 - 7 +11 18
2.    Breiðablik 7 5 0 2 17 - 10 +7 15
3.    Valur 7 4 2 1 11 - 6 +5 14
4.    Fram 7 3 3 1 8 - 5 +3 12
5.    FH 7 4 0 3 11 - 11 0 12
6.    ÍA 7 3 1 3 15 - 10 +5 10
7.    KR 7 3 1 3 13 - 12 +1 10
8.    Stjarnan 7 3 1 3 9 - 9 0 10
9.    HK 7 2 1 4 7 - 12 -5 7
10.    Vestri 7 2 0 5 5 - 16 -11 6
11.    KA 7 1 2 4 11 - 15 -4 5
12.    Fylkir 7 0 1 6 7 - 19 -12 1
Athugasemdir
banner
banner
banner
banner