Sænska goðsögnin Zlatan Ibrahimovic vann Ítalíumeistaratitilinn með AC Milan í dag og var þetta í fyrsta sinn sem félagið vann titilinn mikilvæga síðan 2011.
Zlatan spilaði síðustu 20 mínúturnar í 0-3 sigri gegn Sassuolo í dag en var aðalmaðurinn í fagnaðarlátunum að leikslokum.
Tugþúsundir stuðningsmanna fögnuðu honum ásamt öllum leikmönnum Milan þegar hann gekk aftur á völlinn fyrir fagnaðarlætin.
Zlatan hélt á kampavínsflösku sem hann opnaði fyrir framan stuðningsmenn og var með vindil í kjaftinum. Þessi mikli meistari þarf að viðhalda ákveðinni ímynd, hann verður 41 árs í haust.
Athugasemdir