Slot neitar að svara því hvort Salah verði með

Liverpool mætir Brentford á sunnudag og þar eitt stig til að vera öruggt með Meistaradeildarsæti.

Fyrr á tímabilinu var hinn 33 ára Salah skilinn eftir utan hóps í Meistaradeildarleik gegn Inter eftir að hafa sagt í viðtali að samband sitt og Slot væri ekki gott.

Slot var á fréttamannafundi spurður út í gagnrýni Salah á leikaferð Liverpool.

„Mér finnst ekki skipta miklu máli hvað mér finnst um ummæli hans. Það sem er mikilvægt er að við tryggjum okkur Meistaradeildarsætið á sunnudaginn. Ég og Salah viljum félaginu það besta, við viljum að það nái árangri og það er aðalmarkmiðið," segir Slot.

„Ég verð að finna leið til að þróa þetta lið núna og fá það til að spila fótbolta sem mér líkar. Og ef mér líkar það þá munu aðdáendurnir líka vera ánægðir því ég hef oft ekki verið hrifinn af því hvernig við höfum spilað á þessu tímabili."

Annars kom það fram á fréttamannafundinum að markvörðurinn Alisson Becker og sóknarmaðurinn Alexander Isak verði báðir með á æfingu í dag og útlit fyrir að þeir verði leikfærir á sunnudag.