Fotbolti.net
22.07.19 - 18:00
Sæbjörn Þór Þórbergsson Steinke

Gladbach kaupir Marcus Thuram (Staðfest)

Marcus í unglingalandsleik með franska u18 ára landsliðinu.

Marcus í unglingalandsleik með franska u18 ára landsliðinu.

Canon

Mynd: Getty Images

Borussia Mönchengladbach hefur gengið frá kaupunum á Marcus Thuram frá Guingamp.

Marcus er 21 árs gamall framherji sem kemur kostar Gladbach um 11 milljónir punda. Thuram semur til fjögurra ára við Gladbach.

Hann kom til Guingamp frá Sochaux árið 2017 og skoraði 17 mörk í 72 leikjum í öllum keppnum. Á síðustu leiktíð skoraði Marcus níu deildarmörk fyrir Guingamp en það dugði liðinu ekki til þess að halda sér í Ligue 1 og leikur i Ligue 2 á komandi leiktíð.
Marcus er sonur hins frábæra varnarmanns, Lilian Thuram, sem varð meðal annars heimsmeistari með franska landsliðinu árið 1998.

Thuram er fjórði leikmaðurinn sem gengur í raðir Gladbach en fyrr í sumar fékk liðið varnarmanninn Stefan Lainer frá Red Bull Salzburg, kantmanninn Breel Embolo frá Schalke og markvörðinn Max Grün frá Darmstadt.

Þá hefur Gladbach selt Thorgan Hazard til Dortmund og Josip Drmic fór á frjálsri sölu til Norwich.

Í febrúar var Thuram orðaður við Arsenal.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.