KR hefur ekki unnið leik í Bestu deildinni síðan í maí en liðið beið lægri hlut fyrir Breiðabliki 4-2 í gær. Þetta sögufrægasta lið landsins er aðeins tveimur stigum fyrir ofan fallsæti.
Óskar Hrafn Þorvaldsson er kominn í starf yfirmanns fótboltamála hjá félaginu og háværar sögur um að hann taki við liðinu eftir tímabilið.
Óskar Hrafn Þorvaldsson er kominn í starf yfirmanns fótboltamála hjá félaginu og háværar sögur um að hann taki við liðinu eftir tímabilið.
„Ég fékk það staðfest úr annarri heimild á miðvikudaginn að það sé bara klárt," sagði Tómas Þór Þórðarson í útvarpsþættinum Fótbolti.net og veltir fyrir sér hví hann taki ekki við strax.
„Er KR hrokinn það mikill að þeir haldi að þeir geti ekki fallið? Stuðningsmönnum KR finnst fáránlegt að þeir séu með einn besta þjálfara landsins á skrifstofunni að horfa niður. Ætlar hann að horfa niður þar til þeir fara niður?“
Fyrir tapið gegn Breiðabliki þá tapaði KR gegn Fram og gerði jafntefli við Fylki.
„Hvaða leiki ætla þeir að vinna? Úrslitin segja manni bara að þeir geti fallið," segir Elvar Geir Magnússon.
Pálmi Rafn Pálmason tók við liðinu eftir að Gregg Ryder var rekinn og tilkynnt var að hann yrði þjálfari út tímabilið. Gengi KR hefur hinsvegar versnað enn frekar.
„Af hverju voru þeir svona fljótir að tilkynna að hann yrði út tímabilið? Hann er þarna og ef hlutirnir eru ekki að ganga finnið þá þjálfara," segir Tómas.
Vísir tók það saman að KR er það lið sem hefur fengið fæst stig í Bestu deildinni í síðustu þrettán umferðum.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
