Fækkun á erlendum leikmönnum í Pepsi Max

Talsverð fækkun hefur orðið á erlendum leikmönnum í Pepsi Max-deildinni undanfarin tvö ár samkvæmt tölfræði sem Leifur Grímsson birti á Twitter í dag.

Árið 2017 voru 33% af mínútum í deildinni spilaðar af erlendum leikmönnum en í ár eru það 22%.

Margir ungir leikmenn hafa vakið athygli í deildinni í sumar en athygli vekur að leikmenn undir tvítugu fá mun færri mínútur en í fyrra.

Í fyrra voru 10% af mínútum í deildinni spilaðar af leikmönnum undir tvítugu en í ár er það 6%.

Leifur bendir einnig á að meðalaldur leikmanna í deildinni hefur hækkað undanfarin ár en hann er í dag 27 ár eftir að hafa verið 26,2 ár fyrir tveimur árum.