Klukan 14:00 hefst leikur HK og ÍA í Kórnum í Kópavogi í 21. umferð Pepsi Max-deild karla. Næstsíðasta umferðin fer öll fram á sama tíma.

Liðin eru um miðja deild og eru örugg með sæti sitt í deildinni og eiga ekki möguleika á Evrópusæti. Liðin eru nýliðar í deildinni. HK sigraði fyrri leik liðanna, 0-2, á Akranesvelli. Valgeir Valgeirsson (2002) og Bjarni Gunnarsson gerðu mörk HK í þeim leik.

Smelltu hér til að fara í beina textalýsingu frá leiknum

Byrjunarliðin hafa verið tilkynnt. Brynjar Björn Gunnarsson, þjálfari HK, gerir þrjár breytingar frá 1-1 jafnteflinu fyrir norðan í síðustu umferð. Atli Arnarsson og Björn Berg Bryde taka út leikbann. Alexander Freyr Sindrason, Birnir Snær Ingason og Emil Atlason byrja í dag. Bjarni Gunnarsson byrjar á varamannabekknum.

Jóhannes Karl Guðjónsson, þjálfari ÍA, gerir tvær breytingar frá 1-1 jafnteflinu gegn Grindavík. Gonzalo Zamorano Leon tekur út leikbann hjá ÍA. Jón Gísli Eyland Gíslason (2002) og Viktor Jónsson koma inn í byrjunarliðið fyrir þá Hall Flosason og Tryggva Hrafn Haraldsson.