Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 22. september 2019 13:03
Guðmundur Aðalsteinn Ásgeirsson
Championship: Gengur lítið upp hjá Huddersfield
Matt Phillips gerði tvö.
Matt Phillips gerði tvö.
Mynd: Getty Images
West Brom 4 - 2 Huddersfield
0-1 Lewis O'Brien ('16 )
1-1 Matthew Phillips ('19 )
1-2 Karlan Grant ('36 )
2-2 Darnell Furlong ('69 )
3-2 Matthew Phillips ('74 )
4-2 Semi Ajayi ('89 )

Það gengur lítið sem ekkert hjá Huddersfield í Championship-deildinni. Liðið heimsótti West Brom í hádegisleik.

Huddersfield byrjaði leikinn ágætlega og komst 1-0 yfir á 16. mínútu þegar Lewis O'Brien skoraði. Matt Phillips jafnaði fyrir West Brom stuttu síðar, en það var Huddersfield sem leiddi í hálfleik. Karlan Grant skoraði fyrir leikhlé.

Í seinni hálfleiknum var West Brom hins vegar sterkara liðið. Darnell Furlong jafnaði á 69. mínútu og fimm mínútum eftir það gerði Matt Philipps sitt annað mark.

Á 89. mínútu gerði Semi Ajayi út um leikinn fyrir West Brom. Lokatölur 4-2.

West Brom er í fjórða sæti með 16 stig. Huddersfield, sem féll úr ensku úrvalsdeildinni á síðasta tímabili, er á botninum með eitt stig.
Athugasemdir
banner
banner
banner
banner