Elísabet Gunnarsdóttir er þjálfari ársins í sænsku úrvalsdeildinni. Þetta kemur fram á vefsíðu Aftonbladet.
Elísabet hefur þjálfað Kristianstad frá 2009 en í ár náði liðið sínum besta árangri í sögunni. Kristianstad hafnaði í þriðja sæti og mun spila í Meistaradeildinni á síðustu leiktíð.
„Hún skrifaði sig í sögubækurnar eftir 12 ár hjá félaginu. Liðið endaði í þriðja sæti og fer alla leið til Evrópu. Nokkrir leikmenn meiddust og nokkrir leikmenn liðsins urðu óléttar, en Beta lét það ekki á sig fá og náði óvæntum árangri," segir í umsögninni um Elísabetu.
Björn Sigurbjörnsson er aðstoðarþjálfari Kristianstad og meðal leikmanna liðsins eru Sif Atladóttir og Svava Rós Guðmundsdóttir.
Glódís Perla Viggósdóttir, leikmaður Rosengård, var tilnefnd sem varnarmaður ársins en Natalia Kuikka, varnarmaður meistarana í Gautaborg, var valin besti varnarmaðurinn.
🏆Årets tränare i damallsvenskan: Elísabet Gunnarsdóttir, Kristianstad. Stort grattis!👏 pic.twitter.com/GZeJME02X2
— Sportbladet (@sportbladet) November 22, 2020
Athugasemdir
