Einhverjum sjónvarpsáhorfendum fannst Oleksandr Zinchenko vera rangstæður í aðdraganda sigurmarks Arsenal gegn Manchester United í gær.
Atvikið var skoðað í VAR herberginu í gær þó það hafi ekki verið sýnt almenningi í sjónvarpsútsendingunni.
Atvikið var skoðað í VAR herberginu í gær þó það hafi ekki verið sýnt almenningi í sjónvarpsútsendingunni.
Eddie Nketiah skoraði sigurmarkið í lokin, 3-2 urðu úrslitin í leiknum. Margir stuðningsmenn Arsenal voru hikandi við að fagna sigurmarkinu enda sást að Zinchenko var nálægt því að vera rangstæður í uppbyggingunni.
VAR skoðaði það atvik áður en farið var í að skoða hvort Nketiah hefði svo sjálfur verið fyrir innan.
Skoðun leiddi í ljós að í báðum tilfellum voru Arsenal mennirnir réttstæðir. Lisandro Martínez, sem var að reyna að halda Nketiah niðri, spilaði Zinchenko réttstæðan eins og sjá má á meðfylgjandi mynd.
Arsenal er með fimm stiga forystu á Manchester City, liðið er með 50 stig eftir 19 leiki svo það mun enda með 100 stig ef það heldur áfram á sama skriði.
Athugasemdir