Fotbolti.net
23.03.19 - 20:00
Sæbjörn Þór Þórbergsson Steinke

Pogba vill fara til Real

Pogba vill fara til Real
Canon

Mynd: Getty Images

Paul Pogba virðist ekki vera fullkomlega sáttur við lífið á Old Trafford. Pogba átti í miklum erjum við fyrrum stjóra United, Jose Mourinho og nú eru sögur á lofti að Pogba vilji yfirgefa klúbbinn.

Samkvæmt spænska blaðinu Marca langar Pogba frekar að halda til Real Madrid heldur en að skrifa undir nýjan samning við United.

Pogba sagði í vikunni að hann væri líklegur til þess að spila fyrir Real Madrid á einhverju stigi ferils síns. Pogba á rúm tvö ár eftir af samningi sínum við United og þarf félagið mögulega að ákveða sig fljótlega hvort það ætli að halda leikmanninum eða freista þess að fá sem mest fyrir hann.

Umboðsmaður Pogba, Mino Raiola er sagður tilbúinn að finna nýtt félag handa leikmanninum.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.