Sjáðu sigurmarkið laglega í fyrsta bikarleik tímabilsins

Fjórðu deildarlið Árborgar gerði sér lítið fyrir og vann þriðju deildar lið Elliða í fyrsta leik Mjólkurbikarsins á þessu tímabili. 1. umferðin fór af stað í gær og heldur áfram eftir viku. Leikurinn fór fram í gær þar sem Árborg er á leið í æfingaferð.

Aron Freyr Margeirsson skoraði eina mark leiksins með góðu skoti fyrir utan vítateig. Elliði var þá orðinn einum manni færri, Þröstur Sæmundsson fékk rauða spjaldið á 21. mínútu og nýttu gestirnir úr Árborg sér liðsmuninn vel.