Elías Ingi dæmir leik Breiðabliks og Stjörnunnar

Þriðja umferð Bestu deildar karla verður leikin í kvöld og á morgun. Hér að neðan má sjá hverjir dæma leikina.

Elías Ingi Árnason dæmir leik Breiðabliks og Stjörnunnar sem fram fer í kvöld. Egill Guðvarður Guðlaugsson og Bryngeir Valdimarsson eru aðstoðardómarar leiksins og Þórður Þorsteinn Þórðarson fjórði dómari.

Tveir leikir í þessari umferð verða spilaðir á grasi; leikur FH og KR og svo ÍBV - Fram. Leikur ÍA og Vestra var hinsvegar færður inn í Akraneshöllina þar sem Akranesvöllur er ekki klár í slaginn.